Во Бостонскиот хотел Паркер Хаус уште во предминатиот век се создадени два светски познати рецепти. Бостонската крем пита и овие пердувести, путерести ролнички. Можеби и вам ќе ви се допаднат.

Во еден поголем сад ставете ги сите суви состојки и промешајте ги. Додајте ги сите останати состојки за тестото, па со цврста лажица измешајте да добиете груба топка. Месете го тестото на рака десетина минути или во миксер 7-8 минути на средна брзина додека не добиете многу мазно, сјајно и еластично тесто.
Оставете го во намастен сад покриено со проѕирна фолија околу час и половина. Нема да се удвои тестото за тоа време, но видливо ќе нарасне.
Лесно премесете го тестото и поделете го на четири дела кои ќе ги формирате во топки и ќе ги оставите да се одморат десетина минути.
Секоја топка расучете ја во правоаголник 20 на 30 цм, па намачкајте ја со тенок слој растопен путер. Завиткајте го тестото во ролат на подолгата страна и пресечете го на 4 ролнички. Повторете ја постапката со останатите топки тесто.
Нека ви остане малку растопен путер да ги премачкате ролничките одозгора пред и после печењето.

На плехот од шпоретот ставете хартија за печење. Наредете ги добиените 16 ролнички, премачкајте ги со растопен путер и оставете ги да стасаат покриени со проѕирна фолија некаде околу 40 - 60 мин.
Кога се нараснати ќе го наполнат плехот и скоро ќе се доближани едни со други.
Загрејте ја рерната на 200 Ц.
Нараснатите ролнички печете ги дваесетина минути до убава златна боја.
Жешки уште еднаш премачкајте ги со преостанатиот путер, покријте ги со крпа малку да подоладат.
Уживајте....

Фотографиите во овој рецепт се авторски фотографии.

Лиценца: Криејтив Комонс - Наведи извор - Некомерцијално - Сподели под исти услови