Овој рецепт ми остана неиспробан од Божиќните пости, па еве сега си дојде на ред. На истиов начин имам подготвувано со зејтин па решив да експериментирам и да видам што ќе испадне. Се изненадив од резултатот, навистина вкусен ручек и целосно поинаков вкус.
Претпоставувам дека на истиов начин може да подготвите и грашок, компир, леќа, боранија ... сигурно до крај на постот ќе испробам уште нешто па ќе ве известам за резултатот.

1. Кромидот ситно исецкајте го и ставете го во сад на оган со малку сол. Ќе пушти течност па динстајте на тивко додека целата течност не испари и не почне малку да лепи за дното. Потоа додадете го морковот исецкан на крукчиња и печурките на листови и продолжете да мешате. Кога ќе пуштат тешност и ќе омекнат додадете ги и доматите претходно излупени и исецкани на коцкички и повторно промешајте. Ќе забележите дека има доста течност од самиот зеленчук.
Додадете го томателото и сенфот, зачинете по вкус и оставете малку нека прокрчка (околу 5-10 мин.) Доколку воопшто не сакате луто може да користите и благо, иако воопшто нема ни да осетите луто.
2. Количината на течност што ќе ја додадете варира во зависнот колку течност веќе има испуштено зеленчукот и колку густо сакате да биде. Јас додадов 250мл вкупно. Прво 200мл и покриено да крчка на тивко околу 40тина мин, па потоа во 50мл. вода се раствара брашното и се додава за да добиете изглед како сос.
На крај додадете ситно сецкан магдонос и исклучете. Малку нека се олади па послужете со тестенини, ориз, компир или нешто по желба.

Добар апетит =)

Фотографиите во овој рецепт се авторски фотографии.

Лиценца: Сите права се задржани