Ова беше роденденската торта на моите малечки. Ова се состојки за една торта, а ние секако правевме две.

Најпрво за кората се матат белките со шеќерот во цврст шам, се додават лешниците и брашното. Се пече кората на 180 степени околу 20 минути. Се прават 3 вакви кори.

За филот 1
Млекото се става на оган (малку се остава на страна) со шеќерот. Жолчките се матат, им се додава пудингот, брашното и млекото. Смесата со жолчки се истура во млекото што врие и се вари крем. На изладениот крем се додава претходно изматениот маргарин и изматените шлаг креми. Овој крем се дели на половина и во едниот се додава црната млечна чоколада, а во другиот белата

За вториот фил се става млекото заедно со карамелите на тивок оган да се стопат. Пудинзите се разматуваат со малку млеко и се вари крем со млекото. На изладениот крем се додава изматениот маргарин и растопена млечна чоколада.
се филува тортата без накој посебен редослед,се премачкува целата фо фил и се декорира со фондан.

Фотографиите во овој рецепт се авторски фотографии.

Лиценца: Сите права се задржани