Јајцата се матат со шеќерот додека запенат и потоа се додава брашното и пецивото. Се пече кора во поголем плех на хартија. Се пече 12-15 минути на 180 степени. Уште топла кората се витка во ролат со помош на хартијата од плехот и се остава така да се олади.

Малините заедно со водата се ставаат на оган. Кон зовриените малини се додава и шеќерот да се растопи.
Нишестето се раствара во павлаката и се додава кон малините и се вари густ крем.
Кон оладениот крем се додава шлагот изматен по упатството на кесичката и се добива убав кремаст фил со кој се премачкува ролатот. Така премачкан се рола и се прелива по желба. Кај мене тоа беше шлаг пена со малку сок од малините и бела чоколада.
Вкусен освежителен ролат со прекрасен мирис и вкус.

Фотографиите во овој рецепт се авторски фотографии.

Лиценца: Сите права се задржани