Најпрво, изрендајте ги смрзнатите портокали. Потоа сварете го шеќерот со водата и оставете да врие некои 4 минути одприлика. Тргнете од оган и додадете ги иситнети чоколадото и маргаринот. Мешајте додека убаво не се хомогенизира смесата и малку не подолади, па додадете ги ренданите портокали, бисквитите и оревите.
Со млакиот фил филовајте ги сите розен кори, освен најгорната. Ставајте по одприлика 4 лажици фил на секоја кора. Со благ товар, натиснете ги корите и оставете ги неколку саати убаво да легнат.
Измешајте го шеќерот со малку сок од портокал (можи да користите сок од овошјето или сируп за растворање), додадете за повеќе арома ако сакате и неколку капки екстракт од портокал и прехрамбена боја за интензитет. Густината треба да е толкава колку да можи комотно да се размачкува.
Спремениот прелив премачкајте го врз тортата. Оставете добро да се здрви и потоа исечете ја на поситни правоаголни парчиња.
*** Рецептот, со минимални измени е од опаковката на розен корите, со кои за прв пат се сретнав благодарение на Лили. Лили, поздрав! : )

Фотографиите во овој рецепт се авторски фотографии.

Лиценца: Сите права се задржани