Фичо ќе го сподели неговиот омилен рецепт за совршени пилешки крилца, со зачини и маринада.

Подготовка

Чекор 1: Крилцата ставете ги во сад и зачинете ги со сол, бибер, ворчестер сос, малку кари, малку оригано, малку мускатно оревче, сенф во прав и маслиново масло.

Чекор 2: Во доматниот сос додадете го оцетот и зачините. Додајте го во крилцата и добро промешајте ги со раце, да ги примат сите состојки. Ако имате време, оставете ги неколку часа да ја впијат маринадата.

Чекор 3: Печете ги крилцата 25 минути на 200 степени без вентилатор. Потоа вклучете го вентилаторот додека да добијат боја по ваша желба, или уште околу 20 минути.

Чекор 4: Сервирајте!

СОВЕТ: За комплетен ручек, во тавата може да додадете полуварени компири. Зачините слободно прилагодете ги по ваша желба.