Фритата е едноставна пита од јајца со млеко и мешавина од Вашиот омилен сезонски зеленчук. За неа се потребни 14 јајца, но со овој рецепт можат да се нахранат 6-8 гладни усти.

Преземи го рецептот во PDF

Состојки

  • 1 главица карфиол со средна големина
  • 4 млади кромитчиња
  • 5-6 моркови
  • една рака грашок
  • 4 супени лажици рикота сирење
  • 14 јајца
  • 750 милилитри млеко
  • Сол и бибер
  • Маслиново масло

Вид на оброк: Појадок
Комплексност: Лесно
Лица: 6
Време на подготовка: 30-60 мин.

Подготовка

Чекор 1: Време е за сецкање: Исечкајте го зеленчукот. Прво излупете ги и исечкајте ги морковите. Нив ги сакаме на долги парчиња исечени дијагонално. Следни се младите кромитчиња, и на крај откинете парчиња од главицата карфиол.

Чекор 2: Карфиолот ќе го вариме во млеко. Тоа го извлекува горкиот вкус од карфиолот и подоцна истото млеко ќе го измешаме со јајцата. Варете на слаб оган 10 минути.

Чекор 3: Пропржете ги морковите и младите кромитчиња во маслиново масло за да ги омекнете и да ги подготвите за питата. Овде ја користиме Делимано вок тавата која е одлична за подготовка на зеленчук.

Чекор 4: Изматете 14 јајца… Да, четиринаесет. И измешајте ги со млекото од карфиолот. Проверете дали млекото е оладено затоа што не сакаме јајцата да почнат да се варат

Чекор 5: Земете ја Делимано тавата за рерна. Ставете го пропржениот зеленчук и додадете грашок. Прелијте ги со смесата од јајца и млеко и одозгора расфрлајте обилна количина рикота сирење, односно урда, и спремни сме за печење.

Чекор 6: Ставете ја тавата во рерна загреана на температура од 150 степени 25 минути или додека површината да стане тврда на допир и сигурни сте дека е добро испечена во средината.

Чекор 7: Време е за сервирање: Едноставно исечете големо парче фритата и сервирајте ја во чинија со гарнир.

СОВЕТ: Корените на фритатата се во Шпанија. Во неа можете да ставите секаков зеленчук, а во традиционалниот рецепт се користат компири и црвени пиперки. Таа е здрава, ефтина и едноставна за подготовка. Сигурно ќе стане едно од омилените семејни јадења.

Користени Делимано садови за подготовка на овој рецепт: Вок тава ; Ростер ; Тава со рачки
<Вок таваРостерТава со рачки