Пилешките гради ги ставаме во сечко и ги сечкаме до сомелување. Кромидот ситно го сечкаме. Средината од кришките леб ја натопуваме со вода, ја цедиме и ја додаваме на меленото месо. Кашкавалот и сланината ги сечкаме на коцки. Ги ставаме останатите состојки, освен маслото кое ни е за пржење. Ако е потребно, ако е ретка смесата додаваме лепче или лебни трошки. Промешуваме и ја оставаме смесата за плескавици 1-2 часа во фрижидер (ама и не мора). Плескавици ги формираме со намаслени раце, со тоа што прво формираме топчиња, па ги расплескуваме. Лебните трошки и сусамот ги промешуваме и во нив пред пржењето ги валкаме плескавиците.
Гарнир спремете си по желба. За овој ручек јас спремив пире од компири со прелив во кој имаше грашок.
Пријатен апетит!

Фотографиите во овој рецепт се авторски фотографии.

Лиценца: Сите права се задржани