Овој рецепт го начекав во една група на Фејсбук, каде што за време на постите редовно објавуваат рецепти.

Инаку оригиналниот рецепт потекнува и се уште се приготвува во манастирот Рукумија (малку северно од Пожаревац),Србија.
Монахињата Атанасија била зачудена од еден гостин кога за време ручек и побарал мелени ореви, да ги размеша со гравот. Тоа и се видело чудно, па го набљудувала што ќе направи и ја запамтила постапката. Подоцна го направила истото, додавајќи и варени компири, па продолжила да прави и разни варијации на истата тема. Од тогаш,па до денес оваа паштета се служи во манастирот, за да ги засити гостите.

Реакцијата кај нас дома беше и повеќе од позитивна, па оваа здрава паштета ви ја препорачувам да ја направите што поскоро, независно дали сте во пост или не.

Компирите, морковите, целерот, пашканатот и кромидот се чистат, се сечат на парчиња и се варат се дури да смекнат убаво.
Ако имате сад за варење на пареа, може и така да ги сварите. Доколку немате, процедете го зеленчукот од водата, а од водата направете си некоја супа, бидејќи изобилува со корисни материи.
Потоа во блендер сомелете го варениот зеленчук, да добие кремаста структура. Може да го мелете така што ќе оставите и мали парченца, како што може да забележите и на сликите.
Потоа на сомелениот зеленчук, додадете им ги сенфот, сокот од лимон, зачините по желба, лукот, магдоносот и печените и мелени кикирики.
Измешајте се, да добиете хомогена смеса и спакувајте во тегли.

Јас направив пола од наведената доза и наполнив 2 тегли.
Наместо кикирики додадов ореви, потпечени во рерна и сомелени, а ставив и маслинки (тоа го нема погоре во состојките).

Пријатен апетит и верувам дека навистина ќе уживате!

Фотографиите во овој рецепт се авторски фотографии.

Лиценца: Криејтив Комонс - Наведи извор - Некомерцијално - Сподели под исти услови