Пилешкото месо исечете го на коцки.
Посолете и наросете црн бибер. Измешајте да ги прими зачините.
Потоа посипете го со брашното и пак измешајте.

Во тава на оган ставете маслиново масло да се загрее, па додајте го малдото кромидче исечено на кругови.
Кратко пропржете и додајте ги парчињата месо.
Пржете додека месото ја промени бојата.
Во топлото млеко растворете го шафранот и додајте го во тавата.
Додајте го соја сосот и малку рендан ѓумбир.
Оставете го месото да се готви на тивок оган, со повремено додавање на топла вода.

Во друга тава на оган ставете го шеќерот и сокот од исцеден портокал.
Откако малку ќе се згусти додајте ги парчињата портокал.
Додајте мелено каранфилче и на тивок оган оставете да се карамелизира, а потоа послужете ги со пилешкото месо.

Фотографиите во овој рецепт се авторски фотографии.

Лиценца: Сите права се задржани