Среќен роденден Делимано!
Тортава ја подготвив со голема љубов, а сакав да биде и нешто несекојдневно...
Се одлучив за крцкава торта премачкана со фил од крем сирење, во мојот случај урда и освежена со џем од шумско овошје...

Подготовка на бисквит
1. Ги двоиме жолчките од белките и ги ставаме во два сада.
2. Белките ги матиме со прстофат сол да побелат, па додаваме половината од шеќерот. Матиме додека да станат цврсти и да не паѓаат од садот кога ќе го превртиме.
3. Жолчките ги матиме со другата половина од шеќерот, додека да станат светло жолти па го додаваме јогуртот, соединуваме.
4. Ги додаваме пецивото и брашното, матиме со миксер.
5. Од белките постепено додаваме кон жолчките и соединуваме со помош на шпатула, внимателно, со кружни движења за да ни остане воздушеста смесата.
6. Откако сме ги соединиле состојките додаваме афион и мелени ореви, соединуваме.
7. Смесата ја распоредуваме на намрсено и набрашнето тавче со обрач бр. 22, печеме во загреана рерна на 180 степени со вентилатор, околу 25 минути..
8. Го ладиме бисквитот и го сечеме на три дела.

Подготовка на фил
1. Во еден сад ставаме урда, семе од ванила, кора од лимон, млеко, шлагот и шеќерот во прав.Матиме со миксер да се соедини и згусне целата смеса.
2. Го растопуваме белото чоколадо на пареа или во микровална печка.
3. Го додаваме кон соединетата урда и повторно матиме.

Филување
1. Во калапот со обрач ставаме еден дел бисквит, па фил од урда, па распоредуваме овошен џем, повторно бисквит, фил, џем и накрајот бисквит и само одозгора фил.
Ја оставаме во фрижидер да се соединат вкусовите.

За украсување
1. Матиме шлаг и ја премачкуваме целата торта која сме ја извадиле од калапот т.е. сме и го отстраниле обрачот. Ја посипуваме со какао.
2. Дел од шлагот го ставаме во шприц и ја декорираме по вкус и желба.

Забелешка
Во филот освен урда може да ставите крем сирење или маскарпоне.

Фотографиите во овој рецепт се авторски фотографии.

Лиценца: Сите права се задржани