Измешајте ги сите состојки за тестото и додавајќи ја водата замесете тесто кое треба да е мазно и еластично. Убаво изработете го и завиткајте го во проѕирна фолија. Оставете го во фрижидер да одстои 20 минути.
Карфиолот измијте го и разделете го на што поситни цветчиња. Доматите излупете ги и ситно исечкајте ги.
Во една подлабока тава за пржење ставете го путерот и оставете да се стопи. Додадете го ситно изренданиот ѓумбир па потоа ставете го и зеленчукот. Пропржете па поклопете со капак и оставете да се динста на средна температура 10-15 минути. Пред крајот додадете ги зачините и посолете по вкус.
Работната површина убаво набрашнете ја. Тестото развлечете го во правоаголна кора со дебелина од 2-3 мм. Сечете квадрати со димензии 10см на 10см. На секој квадрат ставете по 2 лажички од филот, преклопете ги страните за да добиете триаголник и со вилушка потиснете ги убаво страните за да се затворат. Веднаш ставјте ги да се пржат во претходно загреан зејтин. Доволно е 1-2 минути пржење или додека не добијат златно-жолта боја.
Испржените тригони ставете ги веднаш на кујнска хартија за да се исцеди вишокот на маснотии.
Послужете ги топли во комбинација со свежа салата и прелив од јогурт.

Совет
Тестото полнете го непосредно пред пржењето, во спротивно ќе ви се залепи за работната површина и ќе се распадне формата. Значи, полнете и веднаш ставајте да се пржат.

Фотографиите во овој рецепт се авторски фотографии.

Лиценца: Сите права се задржани