Видео рецепт: Шпагети со маслинки и капари
Капари е прекрасна состојка која не се користи доволно во готвењето… Има природен солен вкус кој одлично оди со риба или зеленчук… Во овој рецепт ја спојуваме со маслинки , состојки кои се создадени да бидат сервирани заедно.
Состојки
- 150 грама шпагети
- 2 грста зелени и црни маслинки
- 1 грст капари
- Домати од конзерва или сечкани домати
- Сок од половина лимон
- 1 грст магдонос
- Сол и бибер
- Маслиново масло
Подготовка
Чекор 1: Да почнеме со варење на шпагетите... Ставете маслиново масло и сол во зовриена вода, прекршете ги шпагетите на половина и ставете ги во водата... Покријте со капак.
Чекор 2: Време е за сецкање: Земете ги маслинките и пресечете ги на половина, или извадете ги семките и потоа пресечете ги на половина... Користењето на маслинки со различен вкус и боја го прави јадењето богато, но можете да ставите и само еден вид маслинки.
Следно, ситно исечкајте го магдоносот… Половина ни треба за готвењето, а остатокот е за гарнирање на крајот.
Лимонот пресечете го на половина.
Чекор 3: Време е да го направиме сосот… Загрејте ја вок тавата и во неа ставете маслиново масло, а потоа ставете ги маслинките и капари да се пржат… Овие два вкуса се главните состојки на нашиот сос. Зачинете со сол и бибер и ставете ги сечканите домати... Оставете ги да крчкаат и измешаат, а потоа ставете го лимоновиот сок, па сечканиот магдонос.
По неколку минути додадете малку вода од шпагетите и продолжете да го крчкате сосот.
Чекор 4: Исцедете ја пастата и ставете ја во сосот… Убаво измешајте за состојките на сосот да ја покријат пастата, и спремни сме за сервирање...
Чекор 5: Време е за сервирање: Ставете го јадењето на средината од едноставна бела чинија за паста и потрудете се сите состојки да бидат рамномерно распоредени…
СОВЕТ: Ова секако е вегетаријанско јадење, но маслинките и капари му даваат месест и силен вкус... Можете да го сервирате и со лингвини… Брзо и извонредно вкусно летно јадење во кое можете да уживате за време на летниот одмор со чаша студено бело вино.
Користени Делимано садови за подготовка на овој рецепт: Тава со рачки; Вок тава
јас мислев дека е збор што се користи за зачини (се плеска по чело) :) :) :) :)
најпрво да ти одговориме: миродија е зачин, кој е всушност попознат како копар.
Но, следи и едно извинување од наша страна. Овде, при проверката на самиот рецепт е направена грешка од наша страна (со намера да се користат македонски изрази) и всушност капари е заменето со мирудија (од копар) :)
Во самиот пишан текст тоа е корегирано, а самото видео ќе биде корегирано наскоро.
Значи, во конкретниов рецепт се мисли на Капари, не на Копар (мирудија).
Се извинуваме уште еднаш.
ќе си каснеме и ќе ви простиме, ќе ни помине :) :) :) :)
и ЗНАМ ШТО Е КОПАР!!!
конечно и јас нешто да знам :) :) :) :)
си го користам најмногу за компир салата, ама не знаев дека имал и друго име :)
лили, да им пишам петка или цветче да им подарам?
ај цветче, да не се секираат дека нешто многу многу утнале. ве сакаме уште :)
јас вакви цветчиња подарувам, на младунче искртани од моиве готвачки раце :) :) :) :)
ќе ви разубавува уште многу денови, ама само ако престанете да сте официјални со мене:
Драга Лудо бла бла, наши сме си веќе :) :) :) :)
тоа множината што ја користам, не е од култура, туку бидејки претпоствувам дека има повеќемина во тимот. не сум баш бечка школа со културава моја :) :) :) :)
кога некој ќе ми ги одземе пенкалата во боја, да не го шкртам младунче веќе...или социјално да ми го одземе младунче :) :) :) :)
Кој рече дека ова било само за во лето? :-)
Прекрасно.