Фичо, заедно со неговата гостинка Валентина, готвач член на нашата веб-страница, ќе подготват еден од нејзините најпопуларни рецепти, Посна Грилијаж торта.

Подготовка

Чекор 1: За подготовка на грилијажот растопете го и карамелизирајте го шеќерот, па додајте ги целите бадеми и промешајте. Истурете ја смесата на хартија за печење и распоредете ја рамномерно, па оставете да се излади и стегне.

Чекор 2: Додека се пече тестото пригответе го филот. Во сад ставете 800 мл вода и додадете го оризовото млеко. Додадете го и шеќерот.

Во друг сад со 200мл вода разматете го пудингот од ванила и 15 рамни лажици густин. Измешајте убаво да не останат грутчиња. Кога водата во садот ќе почне да врие, додадете ги размешаните густин и пудинг. Мешајте постојано.

Во текот на мешањето додадете го и чоколадото убаво да се растопи и оставете го кремот да се олади.

Чекор 3: Сите состојки за тестото изматете ги убаво. Смесата сипете ја во 2 Округли тави и печете 15 минути на 180 степени. Откако тестото ќе се излади, пресечете го на 2 дела по хоризонтала, погледнете како тоа го прават Фичо и Валентина во видеото.

Чекор 4: Измелете го изладениот грилијаж. Филувајте ја тортата тесто, фил, грилијаж, тесто... итн.

Чекор 5: Декорирајте ја со преостанатиот фил и грилијаж, па оставете ја да отстои неколку часа во фрижидер пред сервирање. Сервирајте!

СОВЕТ: Грилијажот може да се подготви и со лешници, наместо бадеми. Ако сакате покремаст фил, ставете 2-3 лажици помалку густин.