Денес ќе готвиме заедно со Надица, готвач член на нашата веб-страница. Надица ќе подготви еден од нејзините најпопуларни рецепти, Комад со праз и спанаќ.

Традиционален Комад, од киснато тесто, со фил од праз и спанаќ. Можеби треба малку вежбање за да го усовршите, но сепак, овие стари рецепти треба да се пренесуваат низ генерациите!

Преземи го рецептот во PDF

Состојки

За ТЕСТО ќе ви треба:

  • 500 гр. брашно + за расукување
  • 250 гр. вода
  • 1/2 свеж квасец

За ФИЛ ќе ви треба:

  • 500гр. спанаќ
  • 1 лажица мешан зачин
  • 1 лажичка сол
  • 1 лажица црвен пипер
  • 100 мл. вода
  • Масло за потпржување

Ќе ви треба и:

  • 50 гр. масло за попрскување

За подготовка на овој рецепт користиме Делимано Сад со рачки и Округла тава за пица.

Подготовка

Чекор 1: Од брашното, водата, квасецот и солта замесете тесто. Измесете го добро и оставете го да стасува.

Чекор 2: Во меѓувреме го подготвуваме филот. Потпржете го ситно сечканиот праз на масло и потоа додајте го спанаќот, мешаниот зачин, црвениот пипер и водата. Оставете да се крчка 20 минути, или додека да испари водата и да се потпржи спанаќот.

Чекор 3: Откако ќе нарасне тестото го размесуваме и го делиме на топчиња. Од секое топче, на набрашнета маса, расукуваме кори и ги редиме една врз друга на намастена тава. Врз секоја од корите попрскајте масло.

Потоа, фатете ги краевите и превиткувајте ги навнатре како венец со кој ќе направите простор за филот во средината. Оставете да нарасне уште десетина минути.

Чекор 4: Ставете го комадот во загреана рерна на 200 степени 15 минути, или додека зарумени. Потоа додајте го подготвениот фил и вратете ја тавата во рерна уште десетина минути. Кога ќе биде готов, покријте го тестото со фолија, и потоа со крпа, малку да излади.

Чекор 5: Сервирајте го со павлака, кисело млеко или јогурт, по желба.

СОВЕТ: Доколку не ви се допаѓа филот од спанаќ и праз, може да го подготвите со било кој лисест зеленчук кој ви се допаѓа, или што го имате во моментот.