Ова е неверојатно лесен рецепт за Чизкејк кој не треба да се пече и не одзема воопшто време – кога е премногу топло и не сакате да поминете многу време во кујната, подгответе го овој рецепт и УЖИВАЈТЕ!

Преземи го рецептот во PDF

Состојки

  • Една рака јагоди
  • 250 грама крем сирење
  • 4 супени лажици шеќер во прав
  • Екстракт од ванила (по желба)
  • 8 бисквити
  • 50 грама путер

За подготовка на овој рецепт користиме Делимано Сет 2 сада за матење.

Подготовка

Чекор 1: Во една тава стопете го путерот и додадете ги искршените бисквити. Убаво промешајте. Нема потреба да додавате шеќер бидејќи бисквитите се благи.

Чекор 2: Направете ја смесата од крем сирење, шеќер во прав и екстракт од ванила. Овие состојки убаво промешајте ги.

Чекор 3: Исечкајте ги јагодите или пак некое друго сезонско овошје, кое ви е при рака.

Чекор 4: Време е да го послужите Чизкејкот во чаши – одберете некоја поубава стаклена чаша и на дното ставете и бисквитите. Над нив додадете ја мешавината од крем сирење, па јагодите. Направете неколку вакви слоеви додека да ја наполните чашата. Одозгора украсете со сечкани јагоди.

СОВЕТ: Додадете и малку нане и оставете ги чашите во фрижидер. Време е да се опуштите и да уживате пред да ви пристигнат гостите. Сè е под контрола.