Мамините пинерлии се највкусни на свет и ова не го зборувам туку така. Ако ги пробате ќе се уверите и сами ете тоа е мојот предлог за Велигден ова солено вкусно тесто.
Квасецот најпрво се зафаќа со млеко од оние 500 гр,одделувате околу 150 гр во кои се додава покрај квасец и 1 лажица брашно и малку шеќер, мешаме да се изедначи и оставаме нека се активира.

Во сад настрана ставаме просеано брашно, шеќерот, сол, маслото, активираниот квасец и останатото млеко, замесуваме тесто кое треба да се меси доволно долго за да постане меко и глатко со сјајна површина.
Премачкуваме со малку масло и го оставаме во сад каде треба да си надојди.

Во меѓувреме се подготвува урдата, по вкус за сол и се ставаат жолчките во неа. Надојденото тесто не се премесува туку се дели на 50 -60 топки зависно колку големки пинерлиите сакате да ви бидат, секоја топка се сука на многу многу танко, значи максимално колку дозволува тестото, се премачкува со маргарин и тоа под ,,обавезно,, еднаш ми се случи во брзина да заборавам да ги премачкам и верувајте вкусот никако не е ист.
На секое корче по должина од двете страни му се нанесува од филот со урда и се ролаат една кон друга како мали ролатчиња се до средината каде ќе се пресретнат.
Така направете си десеттина корички (ова го објаснувам како јас ги правам после дозволуваат малку да се истегнат по должина за поубави форми да се добијат при виткањето во јајцевидна форма).
Понатаму од долгите сега веќе ролани парчиња, едниот крај треба да е центарот околу кој ќе се измота надолго цело тестенц. Кога завршите со тие десет корички,изролајте други премачкани претходно со маргарин корички,додека стојат тие,трета група корички ролајте,и така се до крај постепено за поопуштено да е тестото. Се ставаат во плех над хартија,премачкани со матени белки (со виљушка) на 200 додека си добијат златеста боја,топли се прекриваат најгоре за уште помеки ,како душа додека се изладат сосема,можат и да се остават во замрзнувач. На крај како една констатација од тука можат да произлезат и многу варијанти на разни филови,кој благи кој солени зашто тестото го дозволува тоа,но само едни и единствени се овие изворниот рецепт е овај.

Лиценца: Криејтив Комонс - Наведи извор - Некомерцијално - Сподели под исти услови