1. Изматете ги белките со постепено додавање на шеќерот во цврст снег. Јас матев некаде околу 15 минути. Потоа на плех обложен со хартија за печење нанесете го снегот и распоредете го со лажица во форма на круг со мала вдлабнатина на средината и печете во претходно загреана рерна на 120 С, 90 минути.
2. За филот, жолчките и шеќерот ставете ги на тивок оган и мешајте додека не се растопи шеќерот и кога ќе почне да се прави пат во тенџерето, значи е готово, тргнете го од оган и додадете го белото чоколадо, мешајте додека се растопи и оставете да се олади. Откако ќе се излади соединете го со претходно изматениот маргарин.
3. Филот се нанесува врз испечената кора и одозгора се декорира со рендано бело чоколадо.
4. Забелешка- Тортата ја правев доцна навечер, па откако ја испеков кората, ја исклучив рерната и така ја оставив до сабајле, па утрото го нанесов филот. Обично се филува со шлаг и се декорира со овошје, ама јас немаше што да направам со жолките, па затоа од нив го направив филот. Прв пат ја правам и сум задоволна, сите дома ми ја пофалија, ама нареден пат ќе ја направам со шлаг и овошје, и така да ја пробаме = )

Фотографиите во овој рецепт се авторски фотографии.

Лиценца: Криејтив Комонс - Наведи извор - Некомерцијално - Сподели под исти услови