Пребарувајќи посни рецепти наидов на овој, па со некои мали измени решив да го подготвам. Во сите рецепти што ги најдов се употребува масло, но ете ми успеа и без масло да го спремам.

1. Печурките се мијат и сецкаат на половина (ако се поситни оставете ги цели). Ги зачинувате по вкус, јас употребив сол, бибер, сув рузмарин и сув босилек, промешувате убаво со раце и ставате во тава за печење. Доколку користите масло, ставете 2-3 лажици и потоа ставете ги во тава. За да не ми се лепат тавата ја покрив со алуминиуска фолија и потоа во еден ред ги распоредив печурките. Ставате во убаво загреана рерна да се печат 10тина минути.
2. Лукчето исчистете го и изрендајте го на ситно (или со алатка), ставете го сенфот, зачините, балсамико оцетот (и 2 лажици масло). Јас додадов од водата што ја испуштија печурките додека се печеа.
3. По 10 мин ги вадите печурките од рерна и или ги преливате со подготвената смеса или ги ставате во садот па убаво промешувате (вториов начин ми се виде подобар па така и направив). И повторно одат во рерна уште 15-20 мин, овој пат покриени со фолија.
Извадете и послужете.

Добар апетит.

*Наведената количина е доволна за 2 особи. Послужив со прилог од пире од компир и морков (не вистинско пире, туку компирот и морковот се сварени, испасирани и зачинети по вкус)

Фотографиите во овој рецепт се авторски фотографии.

Лиценца: Сите права се задржани