Вклучете ја рерната на 180 степени да се загрева. Ставете хартија за печење во плехот од рерната.
Во еден длабок сад ставете ги сите состојки за тестото и со неколку зафати замесете го тестото. Не треба долго да се меси, штом видите дека почнува да се лепи за рацете готово е за оформување на стапчињата.
Од тестото одвојувајте парченца со тежина од 15гр и оформете ги во долги тенки прачки со дебелина колку еден прст. Редете ги во плехот.
Откако сите сте ги оформиле, премачкајте ги со млеко и посипете обилно со сусам. Јас сусамот го ставам во широк сад, па стапчињата ги ставам со премачканата страна во сусамот.
Се печат околу 20 минути во зависност од рерната.
Готови се кога ќе поруменат. Од оваа количина состојки мене ми излегоа 25 стапчиња.

Фотографиите во овој рецепт се авторски фотографии.

Лиценца: Сите права се задржани