Ова беше мојата роденденска торта и сите ја пофалија, преубава за јадење и лесна за правење.
За пандишпанот се матат јајцата со шеќерот, се додаваат оревите, брашното, какаото и пецивото, се промешува со лажица, се става во плех бр. 26 и се пече на 200 С, 20 минути. Откако ќе се испече тортата се боцка со вилушка и се попрскува со сок од портокал.
Фил 1 - Мелените бисквити се попрскуваат со 200 мл сок од портокал и се оставаат да го впијат сокот. Маргаринот и шеќерот се матат пенасто со миксер и се додаваат бисквитите и растопено црно чоколадо. Доколку смесата е тврда и неможе да се размачкува на кората, додадете уште малку сок од портокал, затоа напишав од 200 до 250 мл сок.
Фил 2 - Млекото и шеќерот подгрејте ги и попарете ги мелените ореви. Потоа изматете ги пенасто маргаринот и шеќерот, па додадете ги попарените мелени ореви и повторно кратко изматете ги со миксерот.
Фил 3 - Одвојте малку од млекото за да ги разматите пудинзите, а останатото млеко со шеќерот ставете го на оган, па откако ќе почне да врие додадете го пудингот и мешајте додека да се згусти. Тргнете го од оган и додадете го белото чоколадо, мешајте додека да се растопи и оставете го да се излади. Кога ќе се излади соединете го со претходно изматениот маргарин.
Филување - Врз пандишпанот се нанесува прво фил 1, па фил 2, па фил 3 и се декорира по желба.

Фотографиите во овој рецепт се авторски фотографии.

Лиценца: Криејтив Комонс - Наведи извор - Некомерцијално - Сподели под исти услови