Да, во експрес лонец се прави, што не значи дека не може во тава со капак.
Овој рецепт е погоден за ситните риби со коски, а ако одлучите да спремите поголеми риби, тогаш исечете ги на парчиња. Јас спремив денес Клен, но не го исеков, така цел го ставив. Љубопитноста ми е голема, сакав да видам што ќе биде ако не ги исечам.
Лесно и едноставно се спрема, вака.
- На исчистената риба одсечете им ги главите и перките.
- Во експрес лонецот ставете ја рибата, осолете на вкус, додадете го магданосот, ловорот, биберот, залијте со оцетот, додадете зејтинот толку колку да се покријат рибите.
- Затворете го експрес лонецот, ставете на појак оган колку да првично зоврие, потоа намалете на најниската температура и нека се готви околу 2 часа. Регулаторот од лонецот поставете го на позицијата 1. Отворете го лонецот, доколку сеуште е сосот заматен - не е бистар, догответе така на отворено.
- Вака спреманите риби можете да ги затворите во тегла, ставете во фрижидерот и можат да стојат неколку дена.
Кај нас не стојат, веднаш се јадат. Коските не се повеќе страшни, а на ситните риби како да ги нема веќе.

Напомена
Доколку немате лонец, ова може да се спрема во рерна во тавче со капак или да се покрие со фолија. Многупати ставам и лимонче малку, а на крај кога веќе е бистар сосот односно останало повеќе на зејтин, ги заливам рибите и со малку бело вино, вратам во рерната и оставам да испари алкохолот. Исто така вкусни, но вака постапувам само доколку сметам дека нема да остане ништо за да соберам во тегла.

Фотографиите во овој рецепт се авторски фотографии.

Лиценца: Сите права се задржани