Кокосот ставете го во Нутрибулетот и измелете го ситно колку се можи.
Изматете го маргаринот со шеќерот во прав, па додадете го мелениот кокос, бисквити и румот. Измесете убави и поделете на два дела.
Во едниот додадете го стопеното чоколадо.
Обложете триаголен калап за колачи со стреч фолија и ставете половина смеса од било која боја, иако чинам подобро прво црната, па наредете желе бомбони накосо или пак само во коцка на средина (јас на крајот ставив ружа локум и така одлично дојде). Одозгора ставете го другиот дел и израмнете, покријте со краевите фолија и оставете во фрижидер да се стегни пред сервирање.