Пред се сакам многу да им се заблагодарам на Мои Рецепти за наградата, да бидам искрена многу се изненадив ,бидејќи не очекував дека покрај вакви врвни готвачи и јас ќе дочекам да добијам било каква награда =))
Е сега благодарение на наградата морав и да ги облажам домашните па да си ја оправдам некако =)) така да ги направив овие вкусни мини чизкејк тортички, кои се надевам дека и на вас ќе ви се допаднат како и на нас.
За Филот користев Домашно маскарпоне сирење по рецептот на нашата ни драга Теофанија,голем поздрав до неа

1.Во еден сад се мешаат сувите состојки-брашното,пченкарното брашно и содата

2.Во друг се меша јајцето со ванила екстрактот,ако користите ванилин шеќер додадете го во шеќерот

3.Убаво се мати путерот со шеќерот подолго време додека убаво не се соединат-окулу 7-8 мин

4.Им се додаваат ванилата и јајцето и се продолжува со матење,се додават и сувите состојки и се мати додека не се соединат,се добива меко и лепливо тесто

5.Модлите за мафини се премачкуваат со путер и врз нив се става по едно топче од тестото и се притиска со крајот од толчник или подебело сукало во средината за да се направи вдлабнатина,тестото од страните треба да биде потенко и окулу 3/4 од висината на ,да изгледа како чашка

6.Се печи на температура од 180 степени 10-15 минути додека не заруменат
7.Извадете ги и оставете ги да се подизладат,па потоа со крајот од толчникот или сукалото повторно притиснете во средината да направите вдлабнатина - види слика

8.Изматете го маскарпонето со шеќерот, ванилата и медот -оставете да излади во фрижидер и ставете во внатрешноста на оладените чашки,и врз нив ставете од исечканото овошје.

*Повкусни се кога ќе ги оставите само пополнети со филот од маскарпоне во фрижидер да преноќат и потоа другиот ден да ставите од овошјето
*Од оваа количина излегуваат окулу 14-16 големи мафини

Фотографиите во овој рецепт се авторски фотографии.

Лиценца: Криејтив Комонс - Наведи извор - Некомерцијално - Сподели под исти услови