Овие кандирани вишни ги правев по предлог на мојата драга пријателка Слаѓана.
Воодушевена сум од нивниот изглед и вкус.
Значи вишните воопшто не се распаднаа, останаа цели, а мирисот на сокот е божанствен.
Топло ви ги препорачувам.
Битно е што сокот може да го ставите и во замрзнувач, а при тоа нема да замрзне целосно, значи ќе може да се користи по неколку лажици за торти, колачи, палачинки.......
А може да се користи и како сок за растварање,
Исто и вишните во замрзнувач нема да замрзнат, може да се користат по потреба по неколку зрна.
Или може да стојат во обичен фрижидер во чиста, стерилизирана тегла.
Толку едноставно, а толку убаво.
Прво вишните ги миеме, па им ги одстрануваме дршките и семките.
Ги ставаме во едно тенџере и ги посипуваме со лимонтус и шеќер.
Така нека стојат три дена, со повремено промешување, на темно и ладно место.
После третиот ден ги ставаме вишните во цедалка да им истечи сокот, ги собираме во чист сад, а сокот од тенџерето го собираме во шише.
Ќе добиете 1 литар течност, сок и 1 тегла кандирани вишни.
Пробајте додека се уште има вишни.

Фотографиите во овој рецепт се авторски фотографии.

Лиценца: Сите права се задржани