Мојата роденденска тортичка. Ако се најдете во ситуација да немате многу време за подготовка на роденденска торта, како во мојот случај, топло ви ја препорачувам оваа торта. Брза, сочна и многу вкусна е.

Подготовка

Изматете ги со миксер јајцата и шеќерот. Потоа, намалете ја брзината на миксерот и додавајте ги една по една останатите состојки (маслото млекото, ренданата банана, џемот и на крај просеаното брашно со пециво)

Добиената смеса ставете ја во нелеплива тава за печење или во тава обложена со хартија за печење и печите во загреана рерна на 200 степени околу 15 мин.

Пандишпанот поделете го на два дела

Слатката павлака изматете ја со миксер и поделете ја на два дела. Во едниот дел ставете парченца банана и парченца ресани, во другиот дел ставете ги растопените чоколада со путерот (изладени) и изматете кратко со миксер.

Врз едниот пандишпан ставете пола од млекото за потопување. Потоа, ставете од филот со чоколада, одозгора фил со банана и ресана и одозгора поклопете со другиот дел од пандишпанот и ставете го преостанатото млеко врз пандишпанот.

Декорирајте по желба

На здравје

Фотографиите во овој рецепт се авторски фотографии.

Лиценца: Сите права се задржани