Превкусна бајадера ... Сосема ги заслужи сите комплименти кои ги доби, а ги добиваше по секое вкусување, а јас задоволно се смешкав. Воедно едноставна и многу брза за подготовка. Одамна се наоѓа како запис во мојата тетратка, ама никако да се решам да ја направам. Откако ја направив се покајав што до сега не ми била на мени за десерт или некоја празнична трпеза. Затоа ако ви се допаѓа по состав и на изглед, не чекајте, пробајте ја.

Подготовка
1. Јајцата и шеќерот ги соединуваме па ги ставаме карамелите. Со повремено мешање ги растопуваме и соединуваме на средна температура на рингла.
2. Го тргаме тенџерето на страна и го ставаме путерот да се стопи. Во оваа течна смеса ги ставаме мелените бисквити.
3. Ја распоредуваме смесата во сад на најлонска фолија и ја оставаме во фрижидер да се стегне.
4. Чоколадото со маслото го топиме на многу тивок оган и и ја прелеваме бајадерата.

Забелешка
За да ја добие потребната цврстина бајадерата треба да отстои еден ден во фрижидер.
Ако сакате да правите шари со чоколадото, ставете го во кесичка за замрзнувач и сосем малку искинете го ќошот, па шаркајте.
Јас ставив кафеав шеќер, а вие може да и ставите бел шеќер, изборот е ваш.

Фотографиите во овој рецепт се авторски фотографии.

Лиценца: Сите права се задржани