Испечати

Старинско месено со праз и сирење

Старинско месено со праз и сирење

Состојки

  • 125мл топла вода
  • 125мл топло млеко
  • 1/2 лажиче шеќер
  • 1 лажиче сол
  • 2 лажици масло
  • 1/4 коцка свеж квасец
  • 1/2 изматено јајце
  • околу 500гр брашно
  • За премачкување
  • 40-50гр путер
  • 2 лажици масло
  • За одозгора ½ јајце и интегрален сусам
  • фил
  • 3-4 страка сецкан праз
  • 2л масло
  • 1 јајце
  • 100гр бело сирење
  • сол и бибер по вкус

Подготовка

Прво го подготвуваме филот.
На загреано масло го пржиме сецканиот праз да зарумени.
Додаваме сол и бибер.
Тргаме од оган и додаваме јајце и дробено бело сирење.
Сега го подготвуваме тестото.
Во топлата вода го ставаме шеќерот, лажиче брашно и квасецот.
Промешуваме и остаавме да се активира.
Потоа во вангличката додаваме сол, масло, млеко, половина изматено јајце ( а ако користите мали јајца може да се стави и цело јајце) и промешуваме со вилушка.
Постепено додаваме од брашното и замесуваме мазно, нелепливо тесто.
Одма тестото го делиме на 6 топчиња, кои ги расукуваме во мали корички.
Во сад на оган ги соединуваме путерот и маслото.
Со четка малите корички ги премачкуваме од двете страни со маснотијата и ги ставаме на работната маса.
Нека одстојат така 10-15 минути.
Потоа ја земаме првата коричка.
Со рацете , односно со дланките ја растегнуваме во правоаголна форма на работната маса.
Нанесуваме фил.
Завиткуваме ролат.
Постапката е иста со сите корички.
Така наредени ролатите во нелеплива тава ги премачкуваме со остатокот на јајце и наросуваме интегрален сусам.
Одма ги печиме, без да втасуваат околу 30 минути на 200 степени, да заруменат.
Испечени ги вадиме на кујнска решетка, па сервираме со чаша јогурт.