Едноставен, сочен и вкусен колач со убава арома на портокал, дополнета со шмекот на црното чоколадо. Сочноста ја задржува и во наредните дена.

Загрејте ја рерната на 180С. Изрендајте ја кората од портокалот, па потоа излупете го. Ренданата кора тргнете ја на страна, а портокалот ставете го во блендер и изблендирајте го убаво.

Во сад за матење најпрво изматете го омекнатиот маргарин со шеќерот. Потоа додавајте ги јајцата едно по едно, при што ќе матите околу 1 минута до додавањето на секое следно.
Додајте ја потоа слатката павлака, па намалете ја брзината на миксерот и додајте го брашното предходно измешано со прашокот за печиво. Додадете го пирето од портокал и на крај рачно вмешајте го сечканото чоколадо и кандираните цитруси.

Смесата истурете ја во намастен силиконски калап за векна или ако немате таков, во лимен, кој ќе го обложите со мрсна хартија и ќе го намастите. Печете околу 45 минути.

Печениот колач оставете го да олади во калапот, па потоа извадете го од него. Одозгора посипете го со шеќер во прав

Фотографиите во овој рецепт се авторски фотографии.

Лиценца: Криејтив Комонс - Наведи извор - Некомерцијално - Сподели под исти услови