Слатко од трендафили

Ова слатко го правев во мај, тогаш му е времето и е нешто преубаво... Сега знам зошто го памтам слаткото на баба ми...

Дојде некое ново време кога е реткост да се најдат некалемени трендафили, а и без отрови...
За ова слатко потребни се мајски некалемени трендафили со колку е можно помалку третмани за опстанок.
Може само розеви, а може и црвени, јас направив мешано и сеуште не можам да поверувам колку е убав спектарот од бои кои се прелеваат од розе преку килибар, до црвено...

1. Отстранете им ги дршките и средината, измијте ги, еден дел од ливчињата исечете на парченца
2. Ставете ги да се варат до 20 минути
3. Додадете го шеќерот и сок од лимони
4. Веднаш ќе почне да се менува бојата штом го додадете шеќерот и лимоните. Варете на тивко, отстранувајте ја пената.
5. Кога шербетот ќе почне да се влече како конец, додадете уште еден лимон и слаткото е готово...
6. Сипајте го во врели тегли и затворете ги

Мирисот на трендафилите од едно друго време, засекогаш ќе биде дел од нас и затоа ова слатко кое нé потсетува на тоа време, треба да го сочуваме од заборавот.
Порано немало лимони како денес, се користел лимонтусот.
Јас секогаш ставам лимони, ретко користам лимонтус, одберете сами.
Ова преубаво слатко доколку можете, нека секој мај ви биде на трпезата, барем колку за убавите спомени...

Фотографиите во овој рецепт се авторски фотографии.

Лиценца: Криејтив Комонс - Наведи извор - Некомерцијално - Сподели под исти услови

Може да ве интересира

35 коментари

TetkaBiberche 4 јул 2013 @ 15:05

Добредојде. :)
- ivavesna 8 јул 2013 @ 01:59
  
  Благодарам, добро ве најдов :)
KaterinaM 4 јул 2013 @ 15:16

Dobredojde i tuka...vakvo slatko nikogas nemam probano, a izgleda mnogu vkusno.
- ivavesna 8 јул 2013 @ 02:00
  
  Благодарам Катерина...Ајде следниот мај ќе пробаш, многу е специфично :)
LiliN 4 јул 2013 @ 15:25

Edno od najubavite slatka !! Dobredojde :)
- ivavesna 8 јул 2013 @ 02:01
  
  Благодарам :)
liljanailieva 4 јул 2013 @ 15:32

Dobredijde... i jas znam za ova slatko od majka mi, taa od nejzinata majka... receptot e odlicen sekoja godina po nekoja teglicka spremam, neka go ima... sekogas taka velam. Vo pravo si koga velis deka veke e retkost da se sretne netretiran trendafil, ama za tolku se najde..
- ivavesna 8 јул 2013 @ 02:03
  
  Благодарам Лилјана...
ivavesna 4 јул 2013 @ 17:48

Добро ве најдов сите ! Одамна сакав да се приклучам, но минатите години ми се чинеше многу комплицирано регистрирањето :) Сега гледам дека не е како сум мислела, поднаучив нешто и од техниката... Мило ми е навистина, поздрав до сите и да се дружиме за убаво !
Благодарност до тимот од срце !
alexaars 4 јул 2013 @ 19:15

Не сум пробала, а љубител сум на слатка. Многу убаво изгледа, а верувам во живо е уште поубаво! Добредојде и од мене :)
- ivavesna 8 јул 2013 @ 02:05
  
  Благодарам и добро ве најдов, слаткото е преубаво :)
Klara 4 јул 2013 @ 21:53

Dobredojde Vesne! :) Slatkoto e preubavo, uste pred toa mi odzede golemo vnimanie, no za zal ne uspeav za malku da dojdam do tie rozi za da go probam :) No so opcijata omileni ke si go zacuvam za slednata godina :)
- ivavesna 8 јул 2013 @ 02:07
  
  Blagodaram Klara, zdravje, ke bide dogodina sigurno
aknaDMK 5 јул 2013 @ 08:31

Prekrasno slatko od TRENDAFIL ,slatko vo nezaborav,bravo Vesne,MINATOTO KRIE MNOGU UBAVINI
- ivavesna 8 јул 2013 @ 02:09
  
  Blagodaram, minatoto ni e neiscrpno bogatstvo :)
albetina 5 јул 2013 @ 10:44

Dobredojde i od mene! Ne sum probala do sega vakvo slatko, veruvam deka e mnogu ubavo :)
- ivavesna 8 јул 2013 @ 02:08
  
  Blagodaram Albetina, preubavo e :)
МоиРецепти 5 јул 2013 @ 12:08

Овој рецепт е Рецепт на денот за 04.07.2013 и учествува во изборот за Рецепт на месецот Јули 2013. Честитки!
- ivavesna 8 јул 2013 @ 02:12
  
  Ме изненадивте преубаво, не знаев...Секогаш велам дека не сум за натпревари и сега ме затекнавте...Како и да е, благодарам од срце на сите :)
alexaars 5 јул 2013 @ 12:34

Честитки!
beti1 5 јул 2013 @ 13:05

Cestitki!
LjubicaPK 5 јул 2013 @ 13:08

Чеситки,ова е прекрасен рецепт за прекрасно слатко :) и добро ни дојде!!!
KaterinaM 5 јул 2013 @ 13:10

Cestitki!!!
margarit4e 5 јул 2013 @ 14:12

Добредојде Весна и Честитки!!!! Инаку слатково верувам дека е многу убаво!!!
svetulka 5 јул 2013 @ 14:44

Добредојде и од мене :) .... рецептот е супер, честитки за изборот. Баш би сакала да пробам и од слаткото, немам пробано до сега.
albetina 5 јул 2013 @ 15:21

Cestitki
LiliN 5 јул 2013 @ 15:46

Cestitki!
TetkaBiberche 5 јул 2013 @ 16:55

Честитки!
ivavesna 8 јул 2013 @ 02:16

Blagodarnost do site za cestitkite i dobro ve najdov uste ednas :)
nadicaveles 18 јул 2013 @ 11:07

Slikata preubava e. Jas za slatkoto nemav slusnato, no za sok odtrendafili znam. Dedo mi na vremeto cuval razni vidovi na trendafili od koi moite pravele sok.
Klara 10 јун 2014 @ 14:58

Лани за малку промашив, ама годинава за малку пак го фатив времето за ова слатко. Како до сега немам искуство многу со вакви работи, а пак со вакво слатко ич, прв пат лани видов и чув, а годинава се дрзнав да го пробам, се јавувам да кажам што сторив :) - го преварив веројатно :))) Немаше време за да те контактирам колку да се држи на оган, мојата проценка дека е базирано на течност и ливчиња ми наложи скоро 2 часа на умерен оган да го варам (2 дози се одеднаш). Како избрав 80% бордо боја на трендафили, не добив баш фина боја каква што очекував, но веројатно дека и преварувањето има удел тука.

Ова е кога го збирав, касно по полноќ...
денес ќе се обидам дневна слика од веќе собрано да направам...
Klara 10 јун 2014 @ 14:58

Ова беше материјалот за слаткото
- Klara 10 јун 2014 @ 14:59
  - Klara 10 јун 2014 @ 15:02
    
    Иако трендафилите беа миризливи, можеби од тоа што го преварив, аромата не го доби полниот ефект, па на пола доза си додадов ружина вода :)
    Како и да е, колку и да утнав, сепак ова беше едно интересно искуство за мене. Фала ти за споделениот рецепт, се надевам дека следен пат ќе го направам барем приближно како твоето :)
ivavesna 11 јун 2014 @ 13:20

Klara, edvaj najdov na koj recept se komentarite zasto kaj mene doagaat vo brojki i bukvi bez smisla, a i direktno preku komentarot ne mozam da vlezam ovde...
Mene mi e mnogu maka sto ne mozam lesno da najdam neprskani rozi, pak ke napravev... Inaku nema potreba od tolku varenje, zatoa i bojata se smenila... Nemam ni jas ne znam kakvo iskustvo, poveke e sreka, izleze epten ubavo togas... Koj ni e kriv sto nekoi recepti ne sme si gi barale do detal od nasite babi, a se preskoknati od nasite majki, zaradi novoto vreme... Ete i sokot, mora da ima nekoj shtos, sto da se pravi koga nema sonce...Aj dogodina ke bide poubavo, vazno imate rozi vo MK

Треба да бидеш најавен за да оставиш коментар.

ivavesna

Рецепти

Здраво на сите фанови на оваа прекрасна страница ! Вљубена сум во готвењето одсекогаш, а веројатно проработеа и некои гени во комбинација со огромната носталгија, далеку од дома... Некои од моите претци професионално се занимавале со готвење, прадедо ми имал најубава меана и јадења во Дојран, а мојата баба по мајка ми, во далечните години на минатиот век во Струмица, правела најубави слатки и торти... По професија сум психолог и најискрено се радувам што младите се заинтересираа за готвењето, токму од вакви прекрасни страници... Желбата за креирање рецепти инспирирани пред сé од минатото, споени со опсесивно фотографирање, си го направија своето... Еве ме со ФБ страница „Со љубов, за вас„ и иако не сум професионалец, моите рецепти предизвикаа голем интерес, што е додатна мотивација и поддршка да продолжам... Овде во Швајцарија, постојано ја промовирам македонската кујна на разни настани, а интересот можете да го претпоставите, воодушевени се секогаш... Ме прашуваат каде ми е фабриката, несваќајќи дека една жена може сама да подготви толку многу храна... „Мојата фабрика е во моето срце„, секогаш пресреќна им одговарам... За мене готвењето и оброците се многу важни, на некој начин го чуваат семејството заедно, а домот мириса на среќа...

Биди вистински пријател и сподели