Ова е традиционален рецепт за англиски овошни колачи кои се служат на попладневни чајанки. Потребно е само неколку минути за да се подготват, особено се вкусни, може да се искористат и како доручек со чаша млеко.

Рерната ја вклучуваме на 200 степени. Ги мешаме брашното, пецивото, шеќерот и прстофат сол. Рендаме кора од лимон и ставаме парчиња ладен путер, па тестото го мешаме со раце додека да ни се направи целото во трошки. Додаваме јајце и млеко, мешаме, па ги додаваме и боровинките. Без многу месење го собираме тестото во топка, па го расплескуваме малку. Го ставаме на хартија за печење во тавче и го делиме на 8 дела. Печеме во загреана рерна околу 15-20 минути, да зарумени.
Пред служење посипете ги со шеќер во прав или пак направете прелив.
За преливот измешајте сок од лимон со шеќерот во прав за да добиете густ прелив и ставете доколку сакате и некоја боровинка во него за да ви се обои преливот.

Забелешка
Користев замрзнати боровинки, не ги одмрзнував, директно ги ставив во тестото. Можете да користите и друго зрнесто овошје.
Колачиве ги печев 15 минути.

Фотографиите во овој рецепт се авторски фотографии.

Лиценца: Сите права се задржани