Ова е еден од моите омилени начини на подготовка на пилешки џигер.

Пилешкиот џигер убаво се мие. 
Се делат срцата од џигерчето и се валкаат во брашно, па се пржат.
Кога се пржени се вадат од тавата, а во маслото додаваме една лажица маргарин.
Откако маргаринот е доволно стопен и загреан, се додава ситно исецканиот кромид и се промешува додека не добие кристална боја.
Се додава пасираното лукче и сечканите печурки.
Пржете додека не омекнат доволно, а потоа назад во тавата се враќаат џигерчињата.
Се меша убаво заедно и се зачинува.
Пред крајот се додава црвен пипер или кечап и една лажица брашно.
Промешајте добро и прелејте бело вино.
Нека покрчка околу 15 минути на тивко.

Забелешка
Кромидот во случајов не го пржете поклопен, затоа што ќе стане како каша, а таков не е потребен во рецептот. По сув е подобар.

Декорирајте по ваш избор, нас ни беше доволен црвениот кромид и марулата.
На здравје

Фотографиите во овој рецепт се авторски фотографии.

Лиценца: Криејтив Комонс - Наведи извор - Некомерцијално - Сподели под исти услови