Црниот џигер убаво го миеме и го сецкаме на парченца.
Го полеваме со млеко и наросуваме црн бибер.
Додаваме мешан зачин и  попрскуваме босилек.
Убаво промешуваме и оставаме да постои околу еден час.
На страна ситно го сецкаме кромидот и морковот.
( јас искористив сецко, па ми испадна подеднакво ситно сецкано )
Го ставаме кромидот и морковот да се пропржат.
Промешуваме и кога веќе кромидот е малку омекнат го додаваме
маринираниот џигер.
Пржиме додека џигерот не се стегне и запржи.
Промешуваме повремено.
Потоа додаваме сол и полеваме со топла вода.
Оставаме да крчка околу 10 минутки.
Течноста делумично ќе испари.
Џигерот ќе го пробате дали е готов, сецкајќи го....
Треба да е мек поради млекото.
Вака приготвениот ручек е омилен на мојата трпеза.
На здравје

Фотографиите во овој рецепт се авторски фотографии.

Лиценца: Криејтив Комонс - Наведи извор - Некомерцијално - Сподели под исти услови