Од сите состојки за тестото замесете меко тесто и оставете го да одмори 15 минути. Потоа поделете го на 2 дела, едниот малку поголем.
Прво развијте го поголемиот дел во тенка кора и премачкајте ја со 100 гр маргарин. Кората се засекува зракасто, но не до центарот и се преклопуваат парчињата едно преку друго да се добие кружна форма со повеќе слоеви. Вака спремената кора ставете ја во фрижидер.
Повторете ја постапката и со втората кора и оставете ги околу 30 минути во фрижидер.

Во меѓувреме подгответе го филот.
Спанаќот исечкајте го и ставете го во загреана тава со малку масло малку да се издинста. Кога е готов тргнете го од огнот, додадете го издробеното сирење, јајцата и посолете ако има потреба.

Земете ја првата кора и расукајте ја правоаголно, малку поголема од плехот каде ќе печете, и ставете ја во подмачканиот плех. Ставете го филот рамномерно по целата површина. Потоа расукајте ја втората кора и ставете ја одозгора. Од крајчињата на првата кора направете витка и исечете ја питата на парчиња.

Се пече во загреана рерна на 250 степени околу 5 минути, а потоа се намалува на 220 и се пече додека не порумени.

Пријатен апетит!

Количеството е за голем плех од рерна.

Фотографиите во овој рецепт се авторски фотографии.

Лиценца: Сите права се задржани