Куглоф со таан, цитрус и калинка

Подготовка

1. Путерот изматете го со шеќерот. Додајте ги јајцата, едно по едно, со постојано матење.
2. Брашното измешајте го со пецивото. Додајте дел од брашното кај путерот и измешајте, потоа додајте го јогурот, па дел од брашното, па сокот од лимон и портокал, па остатокот од брашното. Додајте го и таанот и измешајте добро.
3. Намрсете калап за куглоф со путер, а потоа обложете го со 1-2 лажици лебни трошки и истресете го вишокот, со превртување на калапот. Додајте го тестото во калапот и печете во загреана рерна на 180 степени, 50-55 минути. По печењето оставете го во калапот 10 минути, а потоа извадете го на решетка да се олади целосно.
4. За преливот, измешајте го шеќерот во прав со свежо исцеден сок од калинка и сок од половина лимон. Густината на преливот прилагодете ја по желба. Доколку сакате поредок прелив, ставете повеќе сок. Истурете го преливот врз оладениот колач. Декорирајте по желба. На здравје!