Од наведените состојки за тесто измесете глатко тесто.
Обложете еден плех со пек хартија.
Земете 2 мали лажички со кои ќе ги оформувате желадите, двете свртени со вдлабнатата страна една кон друга, а тестото помеѓу.
Ставајте ги во плехот и печете на 130 степени 15-20 мин. во зависност од рерната. Внимавајте да ви останат бели.
Печените колачи извадете ги од плехот и оставете ги потполно да оладат.
Земајте по 2 и лепете ги со мармалад.
Стопете ги на тивок оган чоколадото искршено на коцки, маргаринот, шеќерот, какаото, маслото и млекото.
Секој желад макајте го со пошироката страна 1/3 во стопениот фил, а потоа веднаш извалкајте го во кокос.

Од оваа смеса излегуваат многу колачи, кои ако се чуваат во добро затворена кутија можат да одстојат и подолго време, одприлика 2 недели, па и повеќе.
Оригиналниот рецепт е без бадеми, па така ако немате бадем, заменете ја грамажата со брашно.

Фотографиите во овој рецепт се авторски фотографии.

Лиценца: Сите права се задржани