Ако сте љубители на домашна скара еве еден одличен рецепт за подготовка на плескавица со месо кои вие ќе си го одберете месото и сами ќе си го подготвите. Сами ќе знаете што сте ставиле без додавање на никакви сомнителни зачини и конзерванси.

Подготовка
Во сецко на почеток го мелеме кромидот и магдоносот (доколку немате сецко може да го исецкате ситно или да го изрендате кромидот) мешаме убаво. На оваа смеса ги додаваме сите горенаведени зачини. Морам да нагласам за да нема додатни прашања, во смесата јас не додавам јајца и тоа веќе подолг период, јајца ставам во смеса од мелено месо само за ќофтиња (кои се варат, пржат и печат во рерна).

Откако ја замесивме смесата оделуваме осум идентични топчиња. Доколку сакате прецизност секое топче нека биде по 125гр. Ги формираме во плескавици и ги оставаме во фрижидер 24часа. За формирање на плескавиците користете по малку зејтин.
Наредниот ден на четири плескавици им додаваме тенко сечен кашкавал и ги затвараме со останатите плескавици значи добиваме четири плескавици од 250гр.
Плескавиците ги спремавме на скара предходно премачкани со зејтин..
Ги јадеме со прилог и салата по желба во мојот случај печени компири и шопска салата.
Добар апетит!!!

Фотографиите во овој рецепт се авторски фотографии.

Лиценца: Сите права се задржани