Пита лепињите се традиционален леб низ целиот Близок Исток кој се сервира со најразлични филови. Овде правиме грчко свинско ќофте направено од чисто свинско месо, сервирано со краставица и павлака како прилог.

Преземи го рецептот во PDF

Состојки

За ќофтињата ќе Ви треба:

  • 500 грама мелено свинско месо
  • 2 кафени лажички кумин
  • 2 кафени лажички оригано
  • 1 главица црвен кромид
  • 2 чешниња лук

За пита лепињите ќе Ви треба:

  • 210 грама брашно
  • 1 кафена лажичка квасец
  • 1 супена лажица сол
  • 1 супена лажица шеќер
  • 1 кафена лажичка маслиново масло
  • 250 милилитри вода (ако е потребно ставете и повеќе)
  • Краставици
  • Павлака

Подготовка

Чекор 1: За да ги направиме пита лепињите, ќе ги измешаме сите суви состојки заедно. Потоа ќе ставиме маслиново масло и вода Превртете го тестото на работната маса и убаво месете го најмалку 5 минути Не бидете мрзеливи и немојте да го кратите овој дел од рецептот.

Ставете го тестото во длабок сад и оставете го да стасува најмалку еден час на топло место.

Чекор 2: Време е да ги направиме ќофтињата. Едноставно ставете го меленото месо во длабок сад. Изрендајте го црвениот кромид. И двете чешниња лук. Ставете две кафени лажички кумин и две кафени лажички оригано. Можете уште малку да зачините, но ние ставаме билки и зачини само за вкус.

Ставете сол, бибер и маслиново масло. Убаво мешајте со раце додека сите состојки да се спојат. Ставете ја смесата да отстои во фрижидер од 30 минути до 1 час.

Чекор 3: Кога ќе ги извадите ќофтињата од фрижидер, ставете ја смесата на даска и поделете ја на околу 16 парчиња. Секое парче размесете го во овална форма.

Чекор 4: Загрејте малку маслиново масло во тавата и полека пржете ги ќофтињата. Контролирајте ја јачината на огнот. Не сакаме ќофтињата да изгорат. Превртувајте ги често. Месото ќе ослободи маснотии за време на подготовката и немојте да дозволите тиеа да станат премногу жешки затоа што ќофтињата ќе се испржат однадвор пред да бидат готови во средината.

Чекор 5: Извадете го тестото од садот и размесете го. Поделете го на 4 парчиња. Измесете ги на кругови и потоа ставете го секое парче на превртената Делимано тава за рерна. Ставете ги во рерна загреана на 200 степени 6-8 минути додека да нараснат и почнат да добиваат боја.

Извадете ги и спремни сме за сервирање.

Чекор 6: Време е за сервирање: Земете 2 изладени лепињи и од краевите засечете џебови во нив. Наполнете ги со свински ќофтиња. Ставете и краставици исечкани на стапчиња и малку свежа павлака.

СОВЕТ: Ова е навистина вкусен ручек за големо друштво. Ставете ја тавата со ќофтињата на средината од масата и оставете ги присутните сами да ги наполнат лепињите. Пита лепињите се одлични како мезе со хумус и баба гануш. Лепињите исто така можете да ги испечете и во грил тавата за да добиете повеќе боја и текстура.

Користени Делимано садови за подготовка на овој рецепт: Тава за пржење ; Ростер
Тава за пржењеРостер