Фичо ќе ни го подготви популарниот азиски рецепт, Спринг Ролс со сос од путер од кикирики. Ова е воедно и посен рецепт.

Подготовка

Чекор 1: Исецкајте ги зеленчуците и ставете ги во тава со масло да се пропржат. Пржете додека да испари течноста. Додадете ја ситно исечканата буковка и допржете убаво. Оставете на страна да се олади.

Чекор 2: Подгответе ги корите за полнење. Во сад ставете малку брашно и вода. Оваа смеса ќе ја користите за да ги залепите корите.

Полнете ги корите со смесата, направете ролат, залепете ги со смесата од брашно и подвиткајте ги корите за да не истече смесата.

Чекор 3: Во сад за сос ставете ги сите наведени состојки и мешајте додека смесата не се соедини на средна температура. Додека смесата е топла, ќе личи течна, но ќе се стегне кога ќе се олади.

Чекор 4: Запржете ги ролничките во загреана Вок тава со масло и сервирајте со сосот.

СОВЕТ: Во оригиналниот рецепт се користат оризови кори, ако најдете, донесете и ние да пробаме.