Видео рецепт: Сендвич со рибини прсти

Сигурни сме дека овој рецепт многу ќе ви се допадне… Сочна бела риба испржена во лесна смеса за похување со пиво… Поубаво, здравје!

Преземи го рецептот во PDF

Состојки

115 грама брашно
150 милилитри студено пиво
1 големо филе од бела риба
4 супени лажици мајонез
6 мали корнишони
Леб
1 лимон
Листови зелена салата
Сол и бибер
Маслиново масло

Вид на оброк: Вечера
Комплексност: Лесно
Лица: 2
Време на подготовка: 30-60 мин.

Подготовка

Чекор 1: За почеток правиме едноставен тартар сос… Исечкајте ги корнишоните на мали коцкички... Во длабока линија ставете го мајонезот, па исечканите корнишони, а потоа ставете и лимонов сок за да му дадете киселкаст вкус!

Чекор 2: Рибиното филе исечете го на дебели парчиња – овде користиме обично смрзнато филе од бела риба, но колку е посвежа рибата, толку подобар ќе биде вкусот. Смрзнатите филети се практични бидејќи се исчистени и немаат коски.

Чекор 3: За да ја направите смесата за похување, ставете го брашното во длабок сад и почнете да го сипувате пивото со постојано мешање додека да добиете мазна смеса.

Чекор 4: Почнете да ги намакувате парчињата риба во смесата и да ги ставате во загреано масло за пржење... Се пржат и смесата и рибата, и добиваме прекрасна лесна обвивка со свежа мека риба внатре... Повремено превртувајте ги парчињата за да добијат рамномерна боја, а кога ќе бидат готови извадете ги и ставете ги на кујнска салфетка да се исушат.

Чекор 5: Време е за сервирање: Земете убаво парче леб... На него ставете неколку листа зелена салата, а потоа и три парчиња рибини прсти… На крај ставете обилна количина тартар сос и поклопете со уште едно парче леб за да добиете сендвич.

СОВЕТ: Многу се возбудуваме кога говориме за овој рецепт… МОРАТЕ да го пробате. Толку лесен, но толку вкусен… Не се разликува многу од традиционалниот Англиски рецепт Фиш енд Чипс - риба и помфрит… Можете да експериментирате со различни видови пиво, но запомнете дека тоа треба да биде изладено во фрижидер.

Користени Делимано садови за подготовка на овој рецепт: Тава со рачки

Може да ве интересира

6 коментари

Anica 13 јун 2012 @ 10:25

Се што е потребно за еден одличен сендвич со риба, овде има! Бидејки рибата ја сакам на секакви можни начини, ова обавезно ке биде направено! Сум поховала со смеса со пиво и можам да речам дека вкусот е одличен, па препорачувам секој да проба. Поздрав.
- МоиРецепти 13 јун 2012 @ 14:59
  
  Уште поинтересен е вкусот со Радлер пиво, бидејќи во него има сок од лимон - што е идеална комбинација со риба.
  
  Задолжително да се проба - брзо, вкусно и лесно :)
  - Anica 13 јун 2012 @ 22:59
    
    Vednas otidov i kupiv pivce Radler vo limenka i utre pohovam riba so nego.
LUDO 13 јун 2012 @ 10:48

не знаев дека рибите имаат прсти :) :) :) :)

сакам похувано со мајонез да јадам. затоа одам на свадби и се ценкам со тие окулу мене да ми ги дадат пирошките и кашкавалот во замена за вечерата :) :) :) :)
- МоиРецепти 13 јун 2012 @ 15:04
  
  :))) Имаат, сите ги викаат фиш фингерс :)
  
  А по овој рецепт веруваме дека уште повеќе ќе сакаш похувано - иако ова е малку поинакво од похувано кое го знаеме :)
Klara 13 јун 2012 @ 18:34

ООООооооООО... ова е само за нас! Ние обозаваме пилешки прсти, но најчесто ги купувам готови-смрзнати. А филетите од риба ги печам без масло само сол. Двете комбинации во една-супер! И тартарот-прифатлив, леб-не треба-само дупла доза од мезе ;)