Втор пат го правам. Превкусен е. Но никако не успевам да го сервирам освен во чаша со лажичка, бидејќи ми стои некако многу растресит и не може да се оддели „парче“. Еве како го подготвувам. Ако има некој совет или ако некаде грешам, помагајте.

Подготовка:

1. Путерот го ставам на рингла во тенџере да се растопи. Штом се растопи го додавам кадаифот иситнет на најситно и убаво го пржам, секое и најмало парченце да се зацрви и промириса. На крај ги додавам сечканите ореви.
2. Следува подготовката на филот. Литар млеко го загревам до зовривање. На страна растворам шеќерот, густинот, ванилиниот шеќер со една чаша ладна вода. Го варам кремот и го оставам да се одмори десетина минути. Во него истурам 500 мл хопла.
3. Следува редењето. Половина пржен кадаиф на дното од тавата, па филот и озгора останатата половина. Го оставам во фрижидер.

Фотографиите во овој рецепт се авторски фотографии.

Лиценца: Криејтив Комонс - Наведи извор - Некомерцијално - Сподели под исти услови