Уште еден брз рецепт за подготовка на тиквички, инспрација од ролничките на Лили.

1. Тиквичката измијте ја и исечете ја на тенки ленти (2-3мм. дебелина), посолете ги и оставете да испуштат малку течност. Потоа може да ги ставите во рерна со малку зејтин и да ги печете или на грил тава малку да се испржат.
2. Во урдата згмечете го лукчето и убаво промешајте да се соедини смесата. Ако има потреба досолете по вкус. Потоа врс секоја лента ставете по 1 лажичка, свиткајте во ролна и наредете во сад за печење.
3. За бешамелот, во тава на оган ставете 1 лажица зејтин да се загрее па ставете го ситно изренданото лукче малку да се пропржи. Потоа додадете го и путерот, па брашното и промешајте. Постепено додавајте од млекото и мешајте додека не ја добиете посакуваната густина.
Зачинете по вкус со сол и бибер и прелијте преку тиквичките. Ставете да се пече во загреана рерна околу 20 минути. Потоа извадете, изрендајте го кашкавалот и вратете уште 10-15 мин. во рерна. Оставете малку да се излади па послужете.

Добар апетит =)

Фотографиите во овој рецепт се авторски фотографии.

Лиценца: Сите права се задржани