Се заесенува, но нека стои рецептот. Оваа ладна супа е погодна за летните топли денови. Окрошка - се чудев зошто има многу рецепти со овој единствен назив - Окрошка. Нашата комшиска снаа - Русинка - вели дека се што се ситно насецка и се користи во супите се викало Окрошка. Ај да и веруваме, јас точно не знам, ама знам дека овие нивни Окрошки се многубројни и ценејки по оваа - сигурно сите и посебно вкусни. Многу е слично на нашиот Таратор, само повеке состојки во оваа супа.
Постапка
- Сварете ги јајцата.
- Цвеклото или го сварете или го испечете замотано во фолија (имам рецепт овде ставено за печено цвекло), откако ќе се олади излупете го и изрендајте го.
- Краставиците изрендајте ги
- Сварените јајца изрендајте ги (едно можете да оставите за да поставите исечено врз супата.
- Младиот кромид исецкајте го
- Вака припремани сите состојки ставете ги во еден сад, залијте со јогурт, измешајте. Зачинете со зачинките - Осолете, ставете во фрижидер да се лади.
Се служи добро оладена со прилог печен или варен компир.
Напомена
-Бидејки печено цвекло ми е посебно вкусно и за оваа супа користев такво.
- Руската пријателка ми кажа дека ако сум ставела и газирана минерална вода во јогуртот ќе било уште повкусно. Не знам и не пробав така да ја направам.
- Моете семејство ја сака без кромидот, но нели оригинал окрошка сакав да напишам, така и ја спремив. Сакам да кажам дека можете некои состојки и да ги изоставите ако не ви се по кеф. Некогаш и јајце не ставам во неа туку едноставно само ги исечам и ги ставам врз супата.

Фотографиите во овој рецепт се авторски фотографии.

Лиценца: Сите права се задржани