1. Вклучете ја рерната на 140 степени. Одделете ги белките од жолчките во два сада Матете ги белките во цврст шам, па додадете оцет и шеќери соединете добро со миксер.

2. Свртете ја големата тава (онаа што доаѓа со рерната 34 х 34 см) наопаку и покријте ја со хартија за печење. Нацртајте 3 кругови со дијаметар од 20 см. Пополнете ги круговите со шприц со изматени белки. Исушете ја кората околу еден час на 140 степени. Ги исушив точно 1 ч. Однадвор, тие станаа жолти и беа суви и не се исушија целосно однатре.

3. Извадете ја кора од рерната, оставете да се излади на собна температура. Ставете ги жолчките, мед и ванилин шеќер и изматете со миксер. Истурете 50 мл течна слатка павлака промешајте со жица за да ја изедначите смесата рамномерно. Ставете на тивок оган и мешајте постојано со жица за да се загрее додека смесата да се згусне како пудинг. Тоа трае околу 10 минути. На крајот на готвењето на кремот, додека е сè уште на оган,  додадете веднаш кафе растворено во 20 мл топла вода и добро измешајте.

4. Поделете го кремот на два еднакви делови.

Темен фил- додадете го стопеното црно чоколадо на половина од кремот, доведете до вриење и измешајте со жицата уште 2-3 минути. Извадете од оган и матете уште една минута со миксер. Оставете да се излади на собна температура. Разматете 125 мл павлака, додадете ја кај изладената крема, додадете рум и соединете со миксер.

Светол фил- се додава растопеното бело чоколадо во другата половина од кремот, донесете го до вриење и мешајте со жицата уште 2-3 минути. Извадете од оган и матете уште една минута со миксер. Оставете да се излади на собна температура. Разматете 50 мл павлака и додадете ја на изладениот крем, додајте кисела павлака и соединете со миксер

5. Филување- на две кори со помош на шприц нанесете од светлиот фил, а на една кора од темниот фил
ставете ги една врз друга и декорирајте рустично со остатокот на фил
Ова е мала доза, мала тортичка, одма препорака за подготовка на дупла доза, на оваа исклучително вкусна торта

Фотографиите во овој рецепт се авторски фотографии.

Лиценца: Сите права се задржани