Водата и млекото измешајте ги и замлачете ги доволно колку да можи да се активира квасецот во нив. Покрај квасецот ставете го и шеќерот и прстофат брашно.
Во активираниот квасец додадете ги потоа маслото и белките и убаво измешајте.
Додадете 2 чаши брашно, измешајте па додадете уште две и солта. Измешајте до соединување.
Петтата чаша се додава постепено. Тесетото треба да е многу меко и скоро лепливо, па добра опција ако не користите миксер е да употребите ракавици. На нив не се лепи толку како на рацете.
Измесете мазно меко тесто, премачкајте го со масло, покријте го и оставете го на нарасни.
Нараснатото тесто префрлете го врз намастена работна површина и тапкајте го со рацете да го раширите во правоаголна форма. Премачкајте го со омекнат маргарин, па диплете од долгата страна прво 1/3 која исто така ќе ја намачкате со маргарин и преку неа остатокот од тестото да поклопи. Потоа постапката исто со подолгата превиткана страна.

Така здипленото тесто повторно со раце го тапкаме до една подолга правоаголна форма и од него сечиме ленти кои ги виткаме спирално и краевите им ги спојуваме како ѓеврек.

Ачмите веднаш ги ставаме во плех обложен со пек хартија. Сега е топло, па од самата повисока температура не мора да се чекаат, но во поладно време покријте ги и оставете ги барем 10на минути.

Имешајте ги жолчките со маџунот и премачкајте ги одозгора, па посипете со чурек и сусам.
Маџунот му дава особен вкус на ачмите, за мене ги прави посебни за јадење освен што секако се многу меко пециво.

Печете ги на 200С.

Фотографиите во овој рецепт се авторски фотографии.

Лиценца: Криејтив Комонс - Наведи извор - Некомерцијално - Сподели под исти услови