![Телешко со пченка и морков](https://moirecepti.mk/content/uploads/2021/03/viber_image_2021-03-14_19-23-20-3759a7-800x518.jpg)
Телешко со пченка и морков
Во нашата кујна го подготвуваме телешкото месо доста често и во различни комбинации, а оваа комбинација е една од нив.
1. На зејтин ги запржуваме ситно исечената пиперка, морковот и кромидот.
2. Месото исечено на ленти го додаваме кон зеленчукот, го запржуваме и ги додаваме сите зачини.
3. Ситно исечениот домат го додаваме кон месото. Се полева на крај со 1,5 литри врела вода. Се покрива месото и се остава да се динста околу 50 минути.
4. Морковите ги сечеме на покрупни парчиња и ги додаваме во месото, ја додаваме и пченката (замрзната пченка). Месото со морковите и пченката го оставаме да се додинста на тивко уште 15 минути.
Месото го служиме со некој додаток како ориз или компир или само со салата по ваш избор.
Лиценца: Криејтив Комонс - Наведи извор - Некомерцијално - Сподели под исти услови