Ако мислевте дека немам веќе идеи што со карфиолот кој што уште малку и на уши ќе почне да ми излегува, сте се зезнале, ха!

Денес за ручек, свински кременадли и пире од карфиол. За младунче, помфрит оти на кутриот од карфиол му е преку глава. Од кременадлите не ни е преку глава, дека месождери, не за друго. (винк-винк)

Јас овој пат користев замрзнат карфиол, но вие можете да си го подготвите и со свеж. Сигурно ќе биде поубав на вкус!
Значи, карфиолот се става во зовриена вода во која има една лажичка сол. Се вари додека не омекне, но доообро внимавајте да не го преварите, затоа што ќе впие многу вода и пирето ќе ви биде воденесто.

Варениот карфиол исцедете го од водата, ставете го во подлабок сад, додадете го путерот и лукот во прав и со стапчест миксер направете пире. Сега додадете го крем сирењето или киселата павлака и доколку има потреба, досолете.

Ако го изоставите крем сирењето, ќе добиете хроно ручек. Среќа во ЛЦХФ исхраната нема такви ограничувања, бидејќи без овој додаток, пирето го нема оној „полн вкус„

На здравје!

Фотографиите во овој рецепт се авторски фотографии.

Лиценца: Криејтив Комонс - Наведи извор - Некомерцијално - Сподели под исти услови