Есенски, со јаболка и доза на цимет, мед и лешници, ете таков е. Медоини колач.
Не можев поинаку да го именувам овој влажен и сладок колач со пријатна нота на мирис и вкус од печени јаболка со цимет, која само ме потсети кое годишно време сме.
А најмерак ми е кога ќе си обмислам некој рецепт и излезе успешен.

Подготовка
1. Јаболката ги лупиме и ги рендаме.
2. Ги соединуваме со маслото, шеќерот и медот.
3. Во друг сад ги соединуваме сувите состојки, брашно, пециво, ванилин шеќер, цимет и мелените лешници.
4. Двете смеси ги соединуваме, може со лажица или миксер.
5. Тавата ја подмачкуваме со масло и ја набрашнуваме.
6. Смесата ја распоредуваме и ја ставаме да се пече на 200 степени.

Забелешка
Со шеќерот може и да намалите ако сакате не толку сладок колач, иако моја препорака е да го направите вака по овој рецепт. Од јаболка ставав златен делишес иако како декорација ми се искористени друга врста на јаболка.
Не знам колку точно го печев колачот, околу 15-20 минути, ама кога ќе почне да зацрвенува, пробувајте дали е печен. Пробуваме со чепкалка, ако излезе сува, печен е. Го ладиме па го сечеме, иако јас не издржав, кога малку се подолади за да може да се проба веќе беше исечен и пробан.

Фотографиите во овој рецепт се авторски фотографии.

Лиценца: Сите права се задржани