Предјадењево е прекрасно како на изглед, така и на вкус.
Пробајте го.

Прво пиперките ги печиме и ги оставаме во најлонска кеса да одстојт, за полесно да се излупат.
На излупените пиперки им го одстрануваме семето и ги оставаме да одстојат во цедалка, со цел да излези секоја капка вода што ја содржат.
Потоа ги ставаме пиперките во чашата на нутрибулет, додаваме маслиново масло, сол, бибер, лимон.
Со кратки пулсирања убаво ја изедначуваме смесата.
Јас сервирав во чаша.
Врз слојот со пиперка обилно нанесуваме сецкан, свеж магдонос,
Во мал сад на страна ги соединуваме урдата, киселата павлака, сол , ако има потреба, бибер, триена сол и сенф.
Изедначуваме.
Овие соединети состојки ги нанесуваме врз слојот со магдонос.
Израмнуваме, на површината посолуваме триена сол, декорираме со ливчиња магдонос, цветче циклама...
задолжително оставаме да одстои во фрижидер барем 30 минути, за да се спојат вкусовите, па сервираме.

Забелешка- може да се подготви поголема количина од ова мезе.
На дното на подлабок сад може да се нанеси слојот со пиперки, па сецкан магдонос, па слој со урда...но тоа зависи од вашите потреби.

Фотографиите во овој рецепт се авторски фотографии.

Лиценца: Сите права се задржани