Мирисни, фини, крцкави штангли, не се печат, нема јајца, може да стојат и по неколку дена. Вистинска калорична бомба, заситуваат, па доволно е гриц до два бидејќи содржат путер од кикирики кој обилува со масти, белковини и влакна, и брзо предизвикува чувство на ситост.

~ Фил од кикирики ~
Кикириките се блендираат ситно, се додава медот и маслото, се блендира додека да се добие хомогена смеса (сепак ќе има ситни грутчиња за разлика од купечкиот путер). Ако има потреба од око може да се додаде мед или масло.

~ Бисквитите се мелат, во сад се мешаат со крцкавите житарки со какао, шеќерот во прав, стопениот маргарин и путерот од кикирики. Се меша со лажица, па после со рака.Се додава еурокремет и се изедначува убаво.
Зависно од видот на бисквитите, бидејќи различно впиваат, доколку смесата е посува, може да се додаде маргарин или мед.

~ Во калап (јас користев за бајадера со ширина 5 см и длабина 2,5 см) обложен со најлонска кеса, се распоредува смесата и се става во фрижидер да се стегне.
Чоколадото со маслото се топи на пареа и се премачкува изладениот калап, се посолува со исечкани кикирики. Пак се лади и се сечат крцкави штангли.
~ Пријатно ~

Фотографиите во овој рецепт се авторски фотографии.

Лиценца: Сите права се задржани